በበጀት ዓመቱ ስድስት ወራት 23 ነጥብ 45 ቢሊየን ብር ገቢ ማግኘቱን የኢትዮጵያ የባሕር ትራንስፖርትና ሎጅስቲክስ አስታወቀ።
የባሕር ትራንስፖርትና ሎጅስቲክስ የግማሽ አመት ዕቅድ አፈፃፀሙን እየገመገመ ሲሆን÷የስድስት ወራት የኦፕሬሽን፣ የፋይናንሺያል እና የካፒታል ፕሮጀክት ሥራዎች ዕቅድ አፈፃፀም ላይ ውይይት ተደርጓል።
በግማሽ ዓመቱ አጠቃላይ የድርጅቱን የኦፕሬሽን አገልግሎት መጠን 2 ሚሊየን 544 ሺህ 810 ቶን ለማድረስ ታቅዶ ወደ 3 ሚሊየን 674 ሺህ 242 ቶን ማድረስ እንደተቻለም ተገልጿል።
እንዲሁም በፋይናንሺያል አፈፃፀም 23 ነጥብ 45 ቢሊየን ብር ገቢ እና ከታክስ በፊት 3 ነጥብ 26 ቢሊየን ብር ትርፍ ማግኘት ተችሏል ተብሏል።
ግምገማው ነገም የሚቀጥል ሲሆን÷ የቀጣይ ስራዎች አተገባበር ላይም ውይይት የሚደረግ መሆኑን የባሕር ትራንስፖርትና ሎጅስቲክስ መረጃ ያመላክታል።
